Dem say, “this pikin na winch” so take am go see pastor, make dem remove the winch way dey her body. Them say, “your pikin no normal” as them hold their own pikin for hand. Them say I no normal, so, every Wednesday, I go go prayer for Church. Them say, “kneel, kneel! You evil child! You devil pikin” and them put hand for me as them dey speak in tongues. Na so I kneel, for inside church. They cast and bind.
Last Monday, for school, my friend come meet me inside bathroom as I dey cry. She tell me say God like me. How God go like Ugly thing like me? Uncle say na by mistake them born me, say I black like devil pikin na why demon live inside me. My friend say God like me but I no know. Nwanne, I no know.
Them say I be winch. Na me eat my mama pikin. All my mama pikin way no survive. They call me winch because I survive.